അപ്പുകുട്ടൻ ഒന്നാം ക്ലാസ്സിൽ പഠിക്കുവാണ്…
ഒത്തിരി കൂട്ടുകാരൊന്നും ഇല്ല, കാരണം അപ്പുക്കുട്ടൻ ഒറ്റമകനായതുകൊണ്ട് ഒറ്റക്കാണ് വളർന്നത്. കളിക്കണോ കൂട്ടുകൂടാനോ വേറെ ആരും ഇല്ലാത്തതിൽ സ്‌കൂളിലെ കുട്ടികളെ എല്ലാരേയും അവന് പേടിയാ…
അപ്പുക്കുട്ടന്റെ അപ്പൻ ഒത്തിരി ദൂരെ ആണ് ജോലിചെയ്യുന്നത് … അതുകൊണ്ട് ആഴ്ചയിൽ ഒരിക്കലേ വീട്ടിൽ വരത്തുള്ളൂ…
അമ്മ കുറച്ചകലെയുള്ള സ്കൂളിൽ ആണ് ടീച്ചർ ആയി ജോലിചെയ്യുന്നത്, അതിനാൽ എന്നും നന്നേ വൈകിയാണ് തിരികെ വീട്ടിൽ എത്തിച്ചേരുന്നത് …
അപ്പുകുട്ടൻ വൈകുന്നേരം സ്കൂളിൽ നിന്നും വീട്ടിൽ വരുമ്പോ ഒറ്റയ്ക്ക് ആകാതിരിക്കാൻ അടുത്ത വീട്ടിലെ ഒരു ചേച്ചികുട്ടിയെ കൂട്ടിന് അപ്പനും അമ്മയും ആക്കിയിട്ടുണ്ട്. മാത്രവുമല്ല ചേച്ചികുട്ടി അപ്പുക്കുട്ടന് വൈകുന്നേരം പാലും പിന്നെ അമ്മ ഉണ്ടാക്കിവച്ചിട്ടുപോയ പലഹാരങ്ങളൊക്കെ എടുത്തുകൊടുക്കും.
ആ ചേച്ചികുട്ടിയ്ക്ക് വീട്ടിൽ മോശമായ സാഹചര്യമായതുകൊണ്ട് പത്താം ക്ലാസിനു ശേഷം പഠിക്കാനൊന്നും പോകാൻ പറ്റാതെ നിൽക്കുവാണ്…
ആ ചേച്ചികുട്ടി അല്പം പിശകാണ് കേട്ടോ… എന്താന്നോ… കൗമാരപ്രായത്തിലെ ശാരീരിക വികാരങ്ങളൊക്കെ നിറഞ്ഞുതുളുമ്പുന്ന പ്രായം ആയതിനാൽ ചില കൗതുകങ്ങളൊക്കെ ഉള്ളിൽ തോന്നുന്നത് ചിലപ്പോഴൊക്കെ പുറത്തുവരും… അപ്പോൾ അതൊക്കെ ഒന്നറിയാൻ കൂട്ടുപിടിക്കുന്നത് പാവം കുഞ്ഞായ അപ്പുക്കുട്ടനെയാണ്…
ചേച്ചികുട്ടിയുടെ സ്വന്തം ലൈംഗീകാവയങ്ങളെ അപ്പുക്കുട്ടന് കാട്ടിയും തൊടുവിച്ചും, അതുപോലെ അപ്പുക്കുട്ടൻറെ ലൈംഗീക അവയവങ്ങളെ തൊട്ടും തലോടിയും ഉള്ളിലെ ആഗ്രഹങ്ങളെ ചേച്ചികുട്ടി തൃപ്തിപ്പെടുത്തിപോന്നു…
നിരന്തരമായ ഈ പ്രവർത്തികൾ അപ്പുക്കുട്ടൻറെ ജീവിതത്തിൽ ഉണ്ടാക്കിയ മാറ്റങ്ങൾ ചെറുതല്ല. ചെറുപ്രായത്തിൽ തന്നെ ശാരീരിക സുഖങ്ങൾ തേടാനുള്ള പ്രവണത വർദ്ധിക്കാൻ കാരണമായി.
സ്ത്രീകളെ കാണുമ്പോൾ ലൈംഗീക ആസക്തിയോടെ അവരെ നോക്കാനായുള്ള പ്രവണതയും വളർന്നുതുടങ്ങി…
മെല്ലെ മെല്ലെ ആരെകണ്ടാലും അവരെ ഒന്ന് തൊടാനും ആസ്വദിക്കാനും മനസ്സ് അവനെ പ്രലോഭിക്കാനായി തുടങ്ങി…
അങ്ങനെയുള്ള പല സംഭവങ്ങളും പല ആവർത്തി അപ്പുക്കുട്ടൻറെ ഭാഗത്തുനിന്നും ഉണ്ടായപ്പോഴാണ് അപ്പുക്കുട്ടനെ ഒത്തിരി സ്ഥലങ്ങളിൽ Counselling ന് കൊണ്ടുപോകാനായി തുടങ്ങിയത്…
മുകളിൽ പറഞ്ഞ കാര്യങ്ങൾ ഒന്നും മാതാപിതാക്കളോ Counselling ചെയ്ത വ്യക്തികളോ അറിഞ്ഞിരുന്നില്ല എന്നതിനാൽ, പലപ്പോഴും Counselling ന് കൊണ്ടുപോകുമ്പോൾ അപ്പുക്കുട്ടൻറെ ഭാഗത്തുള്ള തെറ്റായും അപ്പുക്കുട്ടന്റെ മാനസിക വൈകല്യമായും കാര്യങ്ങൾ ചിത്രീകരിക്കപ്പെട്ടു,,,,
ആവർത്തിച്ചുള്ള Counsellors ൻറെ ഉപദേശങ്ങളും ആൾക്കാരുടെ കുറ്റപ്പെടുത്തലുകളും മാതാപിതാക്കളുടെ ഒറ്റപെടുത്തലും അപ്പുക്കുട്ടനെ കൂടുതൽ മാനസിക സംഘർഷങ്ങളിലേക്ക് നയിച്ചു…
ഇതിൽ ആർക്കാണ് തെറ്റ് പറ്റിയത്? അപ്പുക്കുട്ടനോ അതോ ചേച്ചികുട്ടിക്കോ?
അവർ രണ്ടുപേരുമല്ല ഇതിന് ഉത്തരവാദി, അപ്പുക്കുട്ടൻറെ മാതാപിതാക്കൾ തന്നെയാണ്!
മാതാപിതാക്കൾ മക്കളോട് തുറന്ന് സംസാരിക്കാനും അവരുടെ സാഹചര്യങ്ങൾ വിലയിരുത്താനും വ്യക്തികളെ മനസിലാക്കാനും പരിശ്രമിക്കാത്തതിലുള്ള വീഴ്ച തന്നെയാണ് കുഞ്ഞുങ്ങളുടെ ഇത്തരത്തിലുളള വൈകല്യങ്ങൾക്ക് കാരണം!